ДЕФИЛЕ НИЗ ШИРОК СОКАК НА 55 „ИЛИНДЕНСКИ ДЕНОВИ“

Со големо фолклорно дефиле од Плоштадот „Магнолија“, низ Широк Сокак, до Офицерскиот дом, свечено беше означен почетокот на годинашниот Републички фестивал на народни песни и игри „Илинденски денови“.
Во дефилето учествуваа дел од домашните и странски фолклорни ансамбли, меѓу кои и гости од Хрватска, Мексико, Грузија, Индонезија, Полска, Швајцарија и други земји, носејќи ја шареноликоста на своите традиции низ срцето на Битола.