КОНЦЕРТ НА КЛАСИЧНА МУЗИКА НА БИТ ФЕСТ: ПАТУВАЊЕ НИЗ ЕПОХИТЕ НА ОПЕРАТА

Во свечената сала на Офицерскиот дом во Битола, синоќа, публиката уживаше во извонредна вечер исполнета со безвременска музика, изведена од големите уметници: Давор Неќак – баритон и Горјана Стојановска – пијано, со нивните гости Симон Поповски – виолина и Биљана Јосифов – сопран.

Концертот беше вистинско патување низ музичката историја на операта, обединувајќи класици и современи интерпретации. Концертот својата кулминација ја доживеа во моментот на заедничкиот настап на Давор Неќак и Билјана Јосифов.

Публиката уживаше во изведбата на: G.F. Handel – Ombra mai fu арија од операта „Xerxes“; G.F. Handel – Rejoice greatly арија од „Messiah“, C.W. Gluck – Che far senza Euridice арија од операта „Orfeo ed Euridice“; W.A. Mozart – Deh vienni alla finestra
арија од операта „Don Giovanni“; W.A. Mozart – Papagena…Papagena…
арија од операта „Die Zauberflöte“; С. Рахманинов – Весь табор спит
арија од операта „Алеко“; A. Dvorak – Měsíčku na nebi hlubokém
арија од операта „Rusalka“; P. Mascagni – Cavalleria rusticana, Интермецо; R. Leoncavallo – Nedda & Silvio; дует од операта „Pagliacci“; R. Leoncavallo – Увертира на операта „Pagliacci“ и арија „Si puo“ од истоимената опера.

Салата беше исполнета до последно место, а ентузијазмот и аплаузите од публиката беа најдобрата потврда за големата уметничка вредност на овој настан.
Фотографиите се најдобрата потврда за прекрасниот настан.