ОТВОРЕНА ГОДИШНАТА ИЗЛОЖБА НА ДЛУБ
![ОТВОРЕНА ГОДИШНАТА ИЗЛОЖБА НА ДЛУБ](https://bitfest.mk/wp-content/uploads/2022/07/godisna-izlozba-dlub-05-750x465.jpg)
Вечерва, во рамките на битолското културно лето БИТ ФЕСТ, беше отворена годишната изложба на Друштвото на ликовни уметници од Битола.
На годинашната изложба се презентирани педесет и шест дела, слики, графики (во техника сува игла и дигитална графика) и скулптура (релјеф) од четириесет и еден автор од Битола, како и од други македонски градови. Изложбата, на тој начин, доби во својата стилска разновидност и свежина што е карактеристично за делата изработени во 2021-2022 година од автори кои припаѓаат на помладите генерации, што е нормален процес на промена со текот на времето.
Стилскиот дијапазон на определувања ја опфаќа апстракцијата, знаковното сликарство и графика, разните видови пејзажи, творби со белези на надреалност и фантастика, како и неколку видови фигурација со примери на психолошки осмислено портретно сликарство.
Изложбата ќе трае до 28 јули, а може да се посети во работни денови од 9 до 16 часот, а во сабота до 14 часот.
![](https://bitfest.mk/wp-content/uploads/2022/07/godisna-izlozba-dlub-01-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-02-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-03-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-04-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-05-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-06-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-07-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-08-1024x683.jpg)
![](https://bitfest.mk/wp-content/uploads/2022/07/godisna-izlozba-dlub-09-1024x683.jpg)